கிழக்கு குறுமைய அளவிலான போட்டி தர்மசாஸ்தா பள்ளி மாணவர்கள் ஆதிக்கம்

கோவை;கிழக்கு குறுமைய அளவிலான போட்டியில், தர்மசாஸ்தா பள்ளி மாணவர்கள் ஆதிக்கம் செலுத்தினர்.பள்ளிக்கல்வித்துறையின் கிழக்கு குறுமைய அளவிலான போட்டி, கே.கே.நாயுடு பள்ளி சார்பில் நடத்தப்பட்டது. இதில் கபடி, கால்பந்து, வாலிபால், தடகளம், கோ - கோ உட்பட பல்வேறு போட்டிகள் நடந்தன. 35க்கும் மேற்பட்ட பள்ளிகளில் இருந்து, 1000க்கும் மேற்பட்ட மாணவ, மாணவிகள் பங்கேற்றனர்.14, 17, 19 வயது பிரிவுகளில் நடத்தப்பட்ட போட்டிகளில், ஸ்ரீ தர்மசாஸ்தா பள்ளி மாணவர்கள் ஆதிக்கம் செலுத்தினர். கால்பந்து போட்டி, 19 வயது பிரிவில் மாணவர்கள், மாணவிகள் அணியும், 17 வயது பிரிவில் மாணவிகள் அணியும், வெற்றி பெற்றன.17 வயது பிரிவில் மாணவர்கள் அணியும், 14 வயது பிரிவில் மாணவர்கள், மாணவிகள் அணியும் இரண்டாவது இடத்தை பெற்றன. டென்னிஸ் போட்டியில், 14 வயது பிரிவில் மாணவிகள் வெற்றி பெற்றனர்.தடகள போட்டியில், பிளஸ் - 2 மாணவி பிருந்தா 100மீ., தடை தாண்டும் ஓட்டம், 400மீ., ஓட்டம், உயரம் தாண்டுதல் ஆகிய, 3 போட்டிகளில் தங்கம் வென்று, தனிநபர் சாம்பியன்ஷிப் பட்டத்தை தட்டி சென்றார். இதேபோல, குண்டு எறிதலில் மகாலட்சுமி தங்கமும், தட்டு எறிதலில் வெண்கலமும் வென்றார்.