பா.ஜ., சர்க்கார் சாமக்குளம் ஒன்றிய தலைவர் தேர்வு

கோவில்பாளையம்; தமிழக பா.ஜ.,வில் உறுப்பினர் சேர்ப்பு நடைபெற்று வருகிறது. முதல் கட்டமாக தலா 50 உறுப்பினர்கள் சேர்க்கப்பட்ட கிளைகளில், கிளை நிர்வாகிகள் தேர்ந்தெடுக்கப்பட்டு வருகின்றனர்.அடுத்த கட்டமாக, தகுதி பெற்ற 50 சதவீத கிளைகள் உள்ள ஒன்றியங்களில், ஒன்றிய நிர்வாகி தேர்தல் நடைபெற்று வருகிறது. சர்க்கார் சாமக்குளம் ஒன்றியத்தில், 50 சதவீதத்திற்கும் மேற்பட்ட கிளைகள் தகுதி பெற்றவையாக அறிவிக்கப்பட்டுள்ளன.இதையடுத்து, கீரணத்தத்தில் எஸ்.எஸ். குளம் ஒன்றிய தலைவருக்கான கருத்து கேட்பு கூட்டம் நடந்தது. மாவட்ட தேர்தல் அதிகாரி கோபால்சாமி தலைமையில் தேர்தல் நடவடிக்கைகள் நடைபெற்றன. இதில் வெள்ளானைப்பட்டியை சேர்ந்த கார்த்திகேயன், ஒன்றிய தலைவராக தேர்ந்தெடுக்கப்பட்டார். அவருக்கு கட்சி நிர்வாகிகள் வாழ்த்து தெரிவித்தனர்.இதில் பா.ஜ., மாநகர் மாவட்ட தலைவர் ரமேஷ் குமார், அமைப்புசாரா மக்கள் சேவை பிரிவு மாநில செயலாளர் தண்டபாணி, பா.ஜ., மாவட்ட துணைத் தலைவர் வெள்ளிங்கிரி உள்ளிட்டோர் பங்கேற்றனர்.