கொப்பரை ஏலம்  கிலோ ரூ.235 விலை

ஆனைமலை; ஆனைமலையில் நடந்த கொப்பரை ஏலத்தில், கிலோ, 235.59 ரூபாய் அதிகபட்ச விலை கிடைத்தது. ஆனைமலை ஒழுங்குமுறை விற்பனை கூடத்தில், கண்காணிப்பாளர் செந்தில்முருகன் தலைமையில் கொப்பரை ஏலம் நடந்தது. முதல் தர கொப்பரை, 288 மூட்டைகள் ஏலம் விடப்பட்டதில் கிலோவுக்கு, 225.10 ரூபாய் முதல், அதிகபட்சமாக 235.59 ரூபாய் வரை விலை கிடைத்தது. இரண்டாம் தர கொப்பரை, 395 மூட்டைகள் ஏலம் விடப்பட்டதில் கிலோவுக்கு, 111.16 முதல், 188 ரூபாய் வரை விலை கிடைத்தது. மொத்தம், 683 கொப்பரை மூட்டைகளை, 112 விவசாயிகள் கொண்டு வந்தனர். 10 வியாபாரிகள் ஏலத்தில் பங்கேற்றனர். இந்த வாரம், 65.16 லட்சம் ரூபாய் மதிப்பிலான மொத்தம், 307.35 குவிண்டால் கொப்பரை ஏலத்துக்கு கொண்டு வரப்பட்டதாக, விற்பனை கூட கண்காணிப்பாளர் தெரிவித்தார்.