வாழைத்தார் வரத்து சரிவு: விற்பனை விலை உயர்வு

கிணத்துக்கடவு:கிணத்துக்கடவு தினசரி மார்க்கெட்டுக்கு, வாழைத்தார் வரத்து குறைந்த நிலையில், விலை உயர்ந்துள்ளது, என, வியாபாரிகள் தெரிவித்தனர்.கிணத்துக்கடவு தினசரி மார்க்கெட்டில் வழக்கத்தை விட வாழைத்தார் வரத்து குறைந்துள்ளது. தற்போது, மார்க்கெட்டில் செவ்வாழை கிலோ - 75 ரூபாய், கதளி - 45, நேந்திரன் - 25, ரஸ்தாளி - 40, பூவன் 30 - 35, சாம்பிராணி வகை - 40 ரூபாய்க்கு விற்பனை ஆனது.வியாபாரிகள் கூறுகையில், 'வாழைத்தார் வரத்து சரிந்துள்ள நிலையில், கடந்த வாரத்தை விட தற்போது விலை அதிகரித்துள்ளது. உள்ளூர் வாழைத்தார் வரத்து 50 மற்றும் வெளியூர் வரத்து 50 வாழைத்தாரும் வரத்து இருந்தது. புரட்டாசி மாதம் என்பதால் வரும் நாட்களில் விலை அதிகரிக்க வாய்ப்புள்ளது,' என்றனர்.