தினமலர் ஸ்மார்ட் ஷாப்பர்ஸ் கண்காட்சி: சார்ஜிங் லைட்டர் புதுவரவு

சார்ஜிங் லைட்டர்: அடிக்கடி லைட்டரை மாற்ற வேண்டிய அவசியம் இல்லை. சார்ஜ் செய்து பயன்படுத்திக் கொள்ளும் லைட்டர், கண்காட்சிக்கு புதுவரவு. 5 கிலோ தாங்கும் ஹூக்: கீ செயின் முதல் சின்னச் சின்ன பொருட்கள் வரை ஆணி அடிக்காமல் மாட்ட, ஹூக்கள் விற்பனையாகின்றன. 5 கிலோ வரை தாங்கும் 'ஸ்ட்ராங் குளூ ஹூக்' விற்பனைக்கு உள்ளது. எடையைக் கட்டி தொங்கவிட்டு அதன் வலிமையை காட்சிப்படுத்தியுள்ளனர். சாண ஊதுபத்தி: மற்ற ஊதுபத்திகள் 15 நிமிடங்கள்தான் எரியும். ஆன்மிகத்தில் நாட்டமுடையவர்களுக்காக மாட்டு சாணத்தில் செய்யப்பட்ட ஊதுபத்தி விற்பனைக்கு வைக்கப்பட்டுள்ளது. இது, ஒரு மணி நேரம் வரை மணம் பரப்பும். சந்தனம், தேன், இந்து கஸ்துாரி என வெவ்வேறு நறுமணங்களில் கிடைக்கிறது.