பூவன் வாழைத்தார் வரத்து அதிகரிப்பு

கிணத்துக்கடவு; கிணத்துக்கடவு, தினசரி காய்கறி மார்க்கெட்டில் பூவன் வாழைத்தார் வரத்து அதிகரித்துள்ளது. கிணத்துக்கடவு தினசரி காய்கறி மார்க்கெட்டில் நேற்று செவ்வாழை கிலோ - 70, நேந்திரன் --- 25, கதளி --- 30, பூவன் --- 40, ரஸ்தாளி --- 42, சாம்பிராணி --- 45 ரூபாய்க்கு விற்பனை ஆனது. கடந்த வாரத்தை காட்டிலும் செவ்வாழை, பூவன், சாம்பிராணி வகை வாழைத்தார் கிலோவுக்கு 5 ரூபாயும், ரஸ்தாளி 2 ரூபாயும் விலை அதிகரித்துள்ளது. நேந்திரன் மற்றும் கதளி - 5 ரூபாய் விலை குறைந்துள்ளது. வியாபாரிகள் கூறுகையில், 'பண்டிகை காலம் என்பதால், மார்க்கெட்டில் கடந்த இரண்டு நாட்களாக, வழக்கத்தை விட பூவன் வாழைத்தார் வரத்து அதிகம் இருந்தது. மேலும் இதன் விலையும் 5 ரூபாய் அதிகரித்துள்ளது,' என்றனர்.