ஆஞ்சநேயர் கோவிலில் ஜெயந்தி விழா

சூலுார்: பெரிய குயிலி கீதா பஜன் ஆஞ்சநேயர் கோவிலில், 30ம் தேதி ஜெயந்தி விழா நடக்கிறது.சூலுார் அடுத்த பெரிய குயிலியில் கீதா பஜன் ஆஞ்சநேயர் கோவில் உள்ளது. இங்கு, ஆஞ்சநேயர் ஜெயந்தி விழா, ஐந்து நாட்கள் நடக்கிறது. 28ம் தேதி, காலை, 7:00 மணிக்கு கணபதி ஹோமத்துடன் விழா துவங்குகிறது. வரும் 30ம் தேதி ஆஞ்சநேயர் ஜெயந்தி விழா நடக்கிறது. ஜன., 1 வரை தினமும் காலை,7:00 மணிக்கு, ஆஞ்சநேய சுவாமிக்கு அபிஷேக, அலங்கார பூஜை நடக்கிறது.தினமும் காலை, 10:00 மணிக்கு நாம சங்கீர்த்தனம், மாலை, வள்ளி கும்மி நிகழ்ச்சி நடக்கிறது. இதில், பல்வேறு பகுதிகளை சேர்ந்த குழுவினர் பங்கேற்க உள்ளனர். ஸ்ரீ நாராயண ராமானுஜ ஜீயர் ஆசியுரை வழங்க உள்ளார்.விழா ஏற்பாடுகளை கீதா பஜன் அறக்கட்டளையினர் செய்து வருகின்றனர்.