தன்வந்திரி கோவிலில் இன்று கும்பாபிஷேகம்

அன்னுார்: அல்லிக்காரம்பாளையம், தன்வந்திரி கோவில் கும்பாபிஷேகம் இன்று (1ம் தேதி) நடக்கிறது. அல்லிக்காரம்பாளையம் பிரிவு, என்.எம். மருத்துவமனை வளாகத்தில் தன்வந்திரி, சித்தி விநாயகர், குழந்தை வேலாயுத சாமி கோவில்கள் உள்ளன. இக்கோவில்களில் கும்பாபிஷேகம் நடந்து, 12 ஆண்டுகள் முடிந்துவிட்டன. இதையடுத்து திருப்பணி செய்யப்பட்டு வர்ணம் பூசப்பட்டுள்ளது. கும்பாபிஷேக விழா நேற்று (30ம் தேதி) காலை விக்னேஸ்வர பூஜை உடன் துவங்கியது. இதையடுத்து, நவகிரக ஹோமம் நடந்தது. விமான கோபுர கலசம் பிரதிஷ்டை செய்யப்பட்டது. இன்று (1ம் தேதி) காலை 9.35 மணிக்கு விமான கோபுரம் மற்றும் மூலவர்களுக்கு புனித நீர் ஊற்றி கும்பாபிஷேகம் செய்யப்படுகிறது. பக்தர்கள் பங்கேற்று இறையருள் பெற, விழாக் குழுவினர் அழைப்பு விடுத்துள்ளனர்.