தியாகி என்.ஜி.ராமசாமி நினைவு விளையாட்டு போட்டிகள் நிறைவு
கோவை; தியாகி என்.ஜி. ராமசாமி நினைவு விளையாட்டு கழகம் சார்பில் மாவட்ட அளவில் பள்ளி மாணவர்களுக்கான, 29ம் ஆண்டு விளையாட்டு போட்டிகள் மூன்று நாட்கள் நடந்தன. பூப்பந்து, கோ-கோ, கபடி, கூடைப்பந்து உள்ளிட்ட போட்டிகளில், 1,500க்கும் மேற்பட்ட மாணவ, மாணவியர் பங்கேற்றனர். வாலிபால், 14 வயதுக்குட்பட்ட மாணவியருக்கான இறுதிப்போட்டியில், பி.எஸ்.ஜி.ஜி., கன்யாகுரு குலம் பள்ளி அணி, ஸ்ரீ விஸ்வேஸ்வரா மெட்ரிக் பள்ளி, ஏ.பி.சி., மெட்ரிக் பள்ளி, சி.எம்.எஸ்., மெட்ரிக் பள்ளி ஆகியன, முதல் நான்கு இடங்களை பிடித்தன. அதேபோல், 19 வயதுக்குட்பட்ட மாணவியருக்கான போட்டியில், கிரெசன்ட் மெட்ரிக் பள்ளி, பெர்க்ஸ் பள்ளி, ஏ.பி.சி., பள்ளி, ஸ்ரீ ராமகிருஷ்ணா மெட்ரிக் பள்ளி அணிகளும், 17 வயதுக்குட்பட்ட மாணவர்களுக்கான கபடியில், கீர்த்திமான் மெட்ரிக் பள்ளி, கலைவாணி பள்ளி, காரமடை அரசுப் பள்ளி, புனித ஜோசப் பள்ளி ஆகியன முதல் நான்கு இடங்களை பிடித்தன. மாணவியருக்கான (19 வயதுக்குட்பட்ட) கபடி போட்டியில், சூலுார் அரசு பெண்கள் பள்ளி, பண்டிட் நேரு மெட்ரிக் பள்ளி, பி.எஸ்.ஜி.ஜி., கன்யாகுருகுலம் பள்ளி, எஸ்.எஸ்.வி.எம்., விதன் பள்ளி ஆகியனவும், 14 வயதுக்குட்பட்ட மாணவர்களுக்கான கோ-கோ போட்டியில் எம்.டி.என்., புயூச்சர் பள்ளி, கோவை வித்யா மந்திர், புனித ஜான் போஸ்கோ, சி.ஆர்.ஆர்., பள்ளி அணிகளும் முதல் நான்கு இடங்களை பிடித்தன. மாணவர்களுக்கான பூப்பந்து போட்டியில்(19 வயதுக்குட்பட்ட) ஜி.ராமசாமி நாயுடு மெட்ரிக் பள்ளி, பிரசன்டேசன் கான்வென்ட் பள்ளி, ஈக்விடாஸ் குருகுலம் மெட்ரிக் பள்ளி, பட்டணம் அரசுப் பள்ளி ஆகியன முதல் நான்கு இடங்களை வென்றன. மாணவியர் பிரிவில், ஜி.ராமசாமி நாயுடு பள்ளி, ஈக்விடாஸ் குருகுலம் பள்ளி, டி.என்.ஜி.ஆர்., மெட்ரிக் பள்ளி ஆகியன, முதல் மூன்று இடங்களையும் பிடித்தன. வெற்றி பெற்றவர்களுக்கு பரிசுகள் வழங்கப்பட்டன.