வடக்கு நகர தி.மு.க. சார்பில் அசைவ விருந்து வழங்கல்
பொள்ளாச்சி: பொள்ளாச்சி பழைய பஸ் ஸ்டாண்ட் அருகே, துணை முதல்வர் உதயநிதி பிறந்தநாளையொட்டி, பொள்ளாச்சி வடக்கு நகர தி.மு.க. சார்பில், அசைவ விருந்து வழங்கும் நிகழ்ச்சி நடந்தது. எம்.பி. ஈஸ்வரசாமி, மாவட்ட செயலாளர் முருகேசன், அசைவ விருந்தை துவக்கி வைத்து பேசினர். நிகழ்ச்சிக்கான ஏற்பாடுகளை வடக்கு நகர பொறுப்பாளர் நவநீதகிருஷ்ணன் செய்து இருந்தார். சட்ட திட்டக்குழு உறுப்பினர் செல்வராஜ், நகராட்சி தலைவர் சியாமளா, தெற்கு நகர பொறுப்பாளர் அமுதபாரதி, மாவட்ட இளைஞரணி அமைப்பாளர் சபரிகார்த்திக்கேயன் மற்றும் கவுன்சிலர்கள், நிர்வாகிகள், கூட்டணி கட்சி நிர்வாகிகள் உள்ளிட்ட பலர் பங்கேற்றனர். நகராட்சி துணை தலைவர் கவுதமன் நன்றி கூறினார்.