ஊட்டி உருளை விலை வீழ்ச்சி
மேட்டுப்பாளையம்; மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது. இந்த மாதத்தின் துவக்கத்தில் அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.3,010 வரை விற்பனை ஆனது. அதன் பின் மெல்ல மெல்ல விலை சரிந்து வந்தது. நேற்று 45 கிலோ எடை கொண்ட ஒரு மூட்டை ரூ.1,890க்கு விற்பனை ஆனது.