நட்சத்திர ஹோட்டல் பேக்கரிகளில் ஆய்வு

கோவை: கிறிஸ்துமஸ், புத்தாண்டு பண்டிகை முன்னிட்டு நட்சத்திர ஹோட்டல்கள், பேக்கரிகளில் மாவட்ட உணவு பாதுகாப்புத்துறையினர் ஆய்வு நடத்தி வருகின்றனர். கிறிஸ்துமஸ், புத்தாண்டு முன்னிட்டு பலர், கேக் தயாரிப்பு சார்ந்த ஆர்டர்களை பெற்று, அதற்கான தயார்நிலை பணிகளில் ஈடுபட துவங்கியுள்ளனர். கிறிஸ்துமஸ் பண்டிகைக்கு, பிளம் கேக்குகள் அதிகம் தயாரிக்கும் பணிகள் நடந்துவருகின்றன. மாவட்ட உணவு பாதுகப்புத்துறை நியமன அலுவலர் அனுராதா கூறுகையில், ''கேக் தயாரிப்பு மற்றும் விற்பனையில் உரிய விதிமுறைகளை பின்பற்ற வேண்டியது அவசியம். விதிமுறை மீறல்கள் கண்டறியப்பட்டால், கட்டாயம் நடவடிக்கை எடுக்கப்படும்,'' என்றார்.