கோவையின் தொழில் புரட்சிக்கு அடித்தளமிட்டவர் ஸ்டேன்ஸ்

ப ருத்தியை பஞ்சாக்கி, பஞ்சை நுாலாக இழைத்து, அந்த நுாலை துணியாக நெய்து, தென்னிந்தியாவின் 'மான்செஸ்டர்' என்ற பட்டத்தை, கோவை பெற்றுள்ளது. இந்த பெருமைக்கு காரணமானவர் ஒரு ஆங்கிலேயர் என்பது தெரியுமா? அவர்தான் ராபர்ட் டி. ஸ்டேன்ஸ். கோயம்புத்துாரில் முதல் பஞ்சாலையை கட்டியது இவரே. 'கோயமுத்தூர் ஸ்பின்னிங் அண்ட் வீவிங் மில்ஸ்' என்று பெயர் வைத்திருந்தாலும், மக்கள் மனதில் அது ஒரே பெயரில் தான் ஒலித்தது; ஸ்டேன்ஸ் மில். அந்தப் பெயர் இன்று வரை, கோவையின் தொழில் வரலாற்றில் பொன்னெழுத்தாக நிற்கிறது. ரேஸ்கோர்ஸில் உள்ள டி.ஸ்டேன்ஸ் கம்பெனியும், திருச்சி ரோட்டில் உள்ள ஸ்டேன்ஸ் மோட்டார் கம்பெனியும் இவர் உருவாக்கியதே. தொழில்துறையில் மட்டும் அல்ல, கோவையின் போக்குவரத்துக்கும், முதல் விதை போட்டவர் அவர்தான். சரியாக 115 ஆண்டுகளுக்கு முன், 'மோட்டார் கார்' என்ற அதிசயம், கோவை சாலைகளில் முதன்முதலாக நிகழ்ந்தது. அந்த முதல் காரை இவ்வூருக்கு கொண்டு வந்ததும் ராபர்ட் டி.ஸ்டேன்ஸ்தான். துணி தொழிலிலும், போக்குவரத்திலும், நகர வளர்ச்சியிலும் கோவை இன்று எட்டிய உயரங்களுக்கு முதல் தீப்பந்தம் ஏற்றிய அவரை என்றென்றும் நினைவில் நிறுத்துவோம். வரும் தலைமுறைக்கு சொல்லிக்கொடுப்போம்.