ஜி.டி.நாயுடுவுக்கு சிலை; இடம் தேர்வு நடக்கிறது
கோவை; 'இந்தியாவின் எடிசன்' என்றழைக்கப்படும் ஜி.டி.நாயுடுவுக்கு சிலை அமைக்க, முடிவு செய்துள்ள தமிழக அரசு, அதற்காக கோவையில் இடம் தேர்வு செய்யும் பணியில், அதிகாரிகளை முடுக்கி விட்டுள்ளது.கோவை - அவிநாசி சாலை வ.உ.சி.,மைதானத்தின், தென்மேற்கு பகுதியிலுள்ள இடத்தை, அதிகாரிகள் பரிந்துரை செய்துள்ளதாக கூறப்படுகிறது. இது தவிர, காந்திபுரம் நஞ்சப்பா சாலை ரவுண்டானா, வடகோவை சிந்தாமணி எதிர்ப்புறத்திலுள்ள, ரவுண்டானா உள்ளிட்ட ஐந்து இடங்களையும் அதிகாரிகள் ஆய்வு செய்து, பரிசீலனை செய்து வருகின்றனர்.