தினசரி மார்க்கெட்டுக்கு பீட்ரூட் வரத்து இல்லை

கிணத்துக்கடவு, ; கிணத்துக்கடவு தினசரி மார்க்கெட்டில், பீட்ரூட் வரத்து இல்லை என வியாபாரிகள் தெரிவித்தனர்.கிணத்துக்கடவு தினசரி மார்க்கெட்டில், விவசாயிகள் பலர் தங்களது விளை பொருட்களை விற்பனை செய்து வருகின்றனர்.இதில், தக்காளி (15 கிலோ பெட்டி) --- 200, தேங்காய் (ஒன்று) --- 35, கத்தரிக்காய் கிலோ -- 25, முருங்கைக்காய் --- 15 வெண்டைக்காய் --- 35, முள்ளங்கி --- 15, வெள்ளரிக்காய் --- 15, பூசணிக்காய் -- 10, அரசாணிக்காய் --- 8, பாகற்காய் --- 35, புடலை --- 15, சுரைக்காய் --- 15, பீர்க்கங்காய் --- 35, அவரைக்காய் --- 70, பச்சை மிளகாய் --- 35 ரூபாய்க்கு விற்பனை ஆனது.கடந்த வாரத்தைக்காட்டிலும் தக்காளி (15 கிலோ பெட்டி) --- 50, கத்தரிக்காய் கிலோ -- 7, பூசணிக்காய் --- 5, பீர்க்கங்காய் மற்றும் பச்சை மிளகாய் -- 10, அவரைக்காய் ----- 20 ரூபாய் விலை அதிகரித்துள்ளது. தேங்காய் (ஒன்று) -- 2 ரூபாய் விலை குறைந்துள்ளது. மற்றும் பீட்ரூட் வரத்து இல்லை.வியாபாரிகள் கூறுகையில், 'மார்க்கெட்டில் காய்கறி விலை சற்று உயர்ந்திருந்தது. ஒரு சில காய்கறிகள் விலையில் மாற்றமில்லை. வரும் நாட்களில் காய்கறிகளின் விலை மேலும் அதிகரிக்கும்,' என்றனர்.