கூகுள் எக்ஸ்டெண்டட் தொழில்நுட்ப பயிலரங்கு

கோவை: எஸ்.என்.எஸ்., தொழில்நுட்பக் கல்லுாரி மற்றும் கூகுள் டெவலப்பர் குழுமம் கோவையுடன் இணைந்து 'கூகுள் ஐ/ஒ., எக்ஸ்டெண்டட் கோவை' என்ற நிகழ்ச்சியை நடத்தியது. அடாப்ட்.ஐ.ஒ., நிறுவனத்தின் இணை நிறுவனர் மற்றும் தொழில்நுட்பத் தலைவர் கவுதம் மற்றும் திசக்ஸ் (THISUX) நிறுவனத்தின் நிறுவனர் சஞ்சு சிவலிங்கம் சிறப்பு விருந்தினராக கலந்துகொண்டனர். அவர்கள் கூகுள் ஐ/ஒ., 2026ல் அறிமுகமான புதிய தொழில்நுட்பங்கள் குறித்து விரிவாக விளக்கினர். குறிப்பாக செயற்கை நுண்ணறிவு, ஜெமினி , நவீன ஆண்ட்ராய்டு செயலி மேம்பாடு, கிளவுட் தொழில்நுட்பங்கள் மற்றும் சமீபத்திய டெவலப்பர் கருவிகள் குறித்து பயனுள்ள தகவல்களைப் பகிர்ந்துகொண்டனர். மாணவர்கள், சாப்ட்வேர் டெவலப்பர்ஸ், கல்வியாளர்கள் மற்றும் தொழில்நுட்ப ஆர்வலர்கள் ஆர்வமுடன் பங்கேற்று, புதிய தொழில்நுட்பங்களை அறிந்து கொள்ளும் வாய்ப்பைப் பெற்றனர்.