பைக்கில் சென்றவர் கீழே விழுந்து பலி
விருத்தாசலம் : விருத்தாசலம் அடுத்த கார் மாங்குடியைச் சேர்ந்தவர் சங்கர், 39; லாரி டிரைவர். இவர் நேற்று முன்தினம் நள்ளிரவு 1:00 மணியளவில் மங்கலம்பேட்டை புறவழிச்சாலையில் பைக்கில் சென்றார். அப்போது, பைக் கட்டுப்பாட்டை இழந்து, விபத்துக்குள்ளானது. இதில், படுகாயமடைந்த சங்கர், சம்பவ இடத்திலேயே இறந்தார் . மங்கலம்பேட்டை போலீசார் வழக்குப் பதிந்து விசாரித்து வருகின்றனர்.