இருதரப்பு மோதல் :11 பேர் மீது வழக்கு

கடலுார்: இருதரப்பினரிடையே ஏற்பட்ட மோதலில், 11 பேர் மீது போலீசார் வழக்குப் பதிந்தனர். கடலுார், வண்டிப்பாளையத்தைச் சேர்ந்தவர் ரவி மகன் அபிஷேக்,22; இவரது சித்தப்பா இளையமணிக்கும், அதே பகுதியை சேர்ந்த மலையப்பன்,24; என்பவருக்கும், முன்விரோதம் உள்ளது. இந்நிலையில், நேற்று முன்தினம் மீண்டும் இருதரப்புக்கும் அதே பகுதியில் உள்ள சமுதாய நலக்கூடம் அருகில் தகராறு ஏற்பட்டு தாக்கிக் கொண்டனர். இதில், காயமடைந்த அபிஷேக் உட்பட 3 பேர் கடலுார் அரசு மருத்துவமனையில் சேர்க்கப்பட்டனர். இதுகுறித்து, இருதரப்பினரும் அளித்த புகாரின் பேரில், கடலுார் முதுநகர் போலீசார், இருதரப்பை சேர்ந்த மலையப்பன், தினேஷ், மணிபாலன், முகிலன், இளையராஜா, இளவரசன் உட்பட 11 பேர் மீது, வழக்குப் பதிந்து விசாரிக்கின்றனர்.