ஆக்கிரமிப்பு

ஆக்கிரமிப்பு விருத்தாசலம் பஸ் நிலைய நடைபாதையை வியாபாரிகள் ஆக்கிரமித்து பொருட்களை அடுக்கி வைத்துள்ளதால், பயணிகள் வெயிலில் கடுமையாக பாதிக்கின்றனர். - ராஜ்குமார், விருத்தாசலம். - சாலையில் கழிவுநீர் நடுவீரப்பட்டு அடுத்த ராணிப்பேட்டையில் கழிவுநீர் கால்வாய் அடைக்கப்பட்டுள்ளதால் கழிவுநீர் சாலையில் ஓடுகிறது. ரமேஷ், நடுவீரப்பட்டு - சிக்னல் இயக்கப்படுமா விருத்தாசலம் நகரில் உள்ள போக்குவரத்து சிக்னல்களை பயன்பாட்டிற்கு கொண்டு வர நடவடிக்கை எடுக்க வேண்டும். - சிவக்குமார், விருத்தாசலம். - சீரமைக்கப்படுமா விருத்தாசலம் பெரியார் நகர் குளிர்சாதன நிழற்குடையை சீரமைத்து பயன்பாட்டிற்கு கொண்டு வர நகராட்சி நிர்வாகம் நடவடிக்கை எடுக்க வேண்டும். பெருமாள், விருத்தாசலம். - குரங்குகள் தொல்லை புவனகிரி பகுதியில் அதிகரித்து வரும் குரங்கு தொல்லையால் அப்பகுதி பொதுமக்கள் கடும் அவதிக்கு உள்ளாகி வருகின்றனர். தட்சிணாமூர்த்தி, புவனகிரி. - பேனர்களால் விபத்து மந்தாரக்குப்பம் அதை சுற்றியுள்ள பகுதிகளில் அனுமதியின்றி வைக்கப்பட்டுள்ள பிளக்ஸ் பேனர்களால் வாகன ஒட்டிகளுக்கு விபத்து ஏற்படும் அபாயம் உள்ளது. குருநாதன், மந்தாரக்குப்பம்.