லட்சுமி சோரடியா பள்ளியில் தினமலர் -- பட்டம் வினாடி வினா

கடலுார்: கடலுார் லட்சுமி சோரடியா நினைவு மெட்ரிக் மேல்நிலைப்பள்ளியில் புதுச்சேரி தினமலர் பட்டம் இதழ், ஆச்சார்யா கல்விக்குழுமம் இணைந்து நடத்திய பதில் சொல், பரிசு வெல் வினாடி வினா போட்டியில் வெற்றி பெற்ற மாணவர்களுக்கு சான்றிதழ் மற்றும் கேடயம் வழங்கப்பட்டது.புதுச்சேரி 'தினமலர் - பட்டம்' இதழ், ஆச்சார்யா கல்விக்குழுமம் இணைந்து கடலுார் லட்சுமி சோரடியா நினைவு மெட்ரிக் மேல்நிலைப்பள்ளியில் நடத்திய வினாடி வினா போட்டியில் 300க்கும் மேற்பட்ட மாணவர்கள் பங்கேற்றனர். இதில், 16 மாணவர்களை தேர்வு செய்து, 8 குழுக்களாக பிரிக்கப்பட்டு தகுதிச்சுற்று நடந்தது. பள்ளி தாளாளர் மாவீர்மல் சோரடியா தலைமை தாங்கினார். பள்ளி முதல்வர் சந்தோஷ்மல் சோரடியா வரவேற்றார்.போட்டியின் இறுதியில் எட்டாம் வகுப்பு மாணவர் தர்ஷன், ஆறாம் வகுப்பு மாணவர் வெற்றிச்செல்வன் அணி முதலிடமும், ஒன்பதாம்வகுப்பு மாணவர் ஹஸ்வின் பாலாஜி, ஆறாம்வகுப்பு மாணவர் மிதுன் அணி இரண்டாமிடமும் பிடித்தனர்.வெற்றிபெற்ற மாணவர்களுக்கு லட்சுமி சோரடியா நினைவு மெட்ரிக் மேல்நிலைப் பள்ளி தாளாளர் மாவீர்மல் சோரடியா, சான்றிதழ், கேடயம் மற்றும் பதக்கம் வழங்கி பாராட்டினார். வினாடி வினா போட்டியில் பங்கேற்ற அனைத்து மாணவர்களுக்கும் சான்றிதழ் வழங்கப்பட்டது. ஒருங்கிணைப்பாளர் ஆசிரியை சித்ரா உடனிருந்தார்.பள்ளி அளவில் வெற்றிபெற்ற இரு அணிகளும் மெகா வினாடி வினா போட்டியில் பங்கேற்க தேர்வாகினர்.