கொலை மிரட்டல் ஒருவர் கைது
நடுவீரப்பட்டு: போலீஸ்காரருக்கு கொலை மிரட்டல் விடுத்தவரை போலீசார் கைது செய்தனர். நடுவீரப்பட்டு போலீசார் விலங்கல்பட்டு பகுதியில் ரோந்து பணியில் ஈடுபட்டிருந்தனர். அப்போது விலங்கல்பட்டு பழைய மாரியம்மன் கோவில் தெருவை சேர்ந்த கோவிந்தராஜி,56; என்பவர் கையில் இரும்பு பைப் வைத்துக் கொண்டு அப்பகுதியில் உள்ள வீடுகளில் புகுந்து தகராறு செய்தார். இதனை தடுத்த தலைமைக் காவலர் வெங்கடேசனை ஆபாசமாக திட்டி கொலை மிரட்டல் விடுத்தார். புகாரின் பேரில், நடுவீரப்பட்டு போலீசார் வழக்குப் பதிந்து கோவிந்தராஜியை கைது செய்து விசாரித்து வருகின்றனர்.