மங்களம் மெட்ரிக் பள்ளி 100 சதவீதம் தேர்ச்சி

புவனகிரி: புவனகிரி மங்களம் மெட்ரிக் மேல் நிலைப்பள்ளி பிளஸ் 2 பொதுத் தேர்வில் 100 சதவீதம் தேர்ச்சி பெற்றுள்ளது.புவனகிரி மங்களம் மெட்ரிக் மேல்நிலைப்பள்ளியில் பிளஸ் 2 பொதுத் தேர்வை எழுதிய 91 மாணவர்களும் தேர்ச்சி பெற்று 100 சதவீத தேர்ச்சியை தக்க வைத்துள்ளனர். மாணவி ஹரிணி 595 மதிப்பெண் பெற்று முதலிடம், சினேகா 589, நிவேதா 589 மதிப்பெண் பெற்று இரண்டாமிடம், இமையா 588 மதிப்பெண் பெற்று மூன்றாமிடம் பிடித்தனர்.ஹரிணி வேதியியல், உயிரியல், கணிதம் ஆகிய பாடங்களில் 100க்கு 100 மதிப்பெண், சினேகா இயற்பியல், வேதியியல், உயிரியல் பாடங்களில் 100க்கு 100, நிவேதா கணினி அறிவியல், இயற்பியல் பாடங்களில் 100க்கு 100, இமையா உயிரியல் பாடத்தில் 100க்கு 100 மதிப்பெண் பெற்றனர்.சிறப்பிடம் பிடித்த பெற்ற மாணவ, மாணவிகளை பள்ளி நிர்வாகி தமிழ்மணி, செயலாளர் அங்கையர்கண்ணி, அறக்கட்டளை தலைவர் கண்மணி, இயக்குனர் ரத்னா ஆகியோர் ஊக்கப்பரிசு வழங்கி பாராட்டினர்.