நலத்திட்ட உதவிகள் அமைச்சர் வழங்கல்

ராமநத்தம்: ராமநத்தம் அருகே பல்வேறு ஊராட்சிகளில் அமைச்சர் கணேசன் நலத்திட்ட உதவிகள் வழங்கினார். ராமநத்தம் அடுத்த ஆலத்துார் ஊராட்சியில் குறை தீர்ப்பு முகாம் மற்றும் நலத்திட்ட உதவிகள் வழங்கும் நிகழ்ச்சி நடந்தது. திட்டக்குடி தாசில்தார் உதயக்குமார் தலைமை தாங்கினார். தொழிலாளர் நலன் மற்றும் திறன் மேம்பாட்டுத்துறை அமைச்சர் கணேசன் பங்கேற்று மக்களின் குறைகளை கேட்டறிந்து நலத்திட்ட உதவிகள் வழங்கினார். அப்போது, மங்களூர் தி.மு.க., செங்குட்டுவன், மங்களூர் பி.டி.ஓ., சண்முக சிகாமணி உட்பட பலர் பங்கேற்றனர். அதேபோல், சித்துார், மேல்கல்பூண்டி, கீழ்கல்பூண்டி வடகராம்பூண்டி உள்ளிட்ட ஊராட்சிகளில் அமைச்சர் கணேசன் மக்களிடம் குறைகளை கேட்டறிந்து, நலத்திட்ட உதவிகள் வழங்கினார்.