ஞானகுரு வித்யாலயா பள்ளியில் தினமலர்-பட்டம் இதழ் வழங்கல்
திட்டக்குடி : திட்டக்குடி ஞானகுரு வித்யாலயா மெட்ரிக் மேல்நிலைப்பள்ளியில், மாணவர்களுக்கு 'தினமலர்-பட்டம்' இதழ் வழங்கப்பட்டது.மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி,தற்போதுள்ள தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர்-பட்டம்இதழ் திங்கள் முதல் வெள்ளி வரை வெளியிடப்பட்டு வருகிறது. அந்த வகையில், திட்டக்குடி ஞானகுரு வித்யாலயா மெட்ரிக் மேல்நிலைப்பள்ளியில், 'தினமலர்- பட்டம்' இதழ் வழங்கும் நிகழ்ச்சி நடந்தது. பள்ளி நிறுவனர் கோடி தலைமை தாங்கினார். பள்ளி தாளாளர் சிவகிருபா முன்னிலை வகித்தார். பள்ளி முதல்வர்அய்யாதுரை, மாணவர்களுக்கு 'தினமலர்- பட்டம்' இதழ் வழங்கினார். பள்ளி நிர்வாக அலுவலர் சித்ரா, ஆசிரியர்கள், மாணவர்கள் உட்பட பலர்பங்கேற்றனர்.