மங்கலம்பேட்டை ஆண்கள் பள்ளியில் தினமலர்-பட்டம் இதழ் வழங்கல்

விருத்தாசலம்; மங்கலம்பேட்டை அரசு ஆண்கள் மேல்நிலைப் பள்ளியில் மாணவர்களுக்கு 'தினமலர் - பட்டம்' இதழ் வழங்கப்பட்டது. பள்ளி மாணவ, மாணவிகளின் வாசிப்பு திறனை மேம்படுத்தவும், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப மேம்பாடு உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில், 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது. அந்த வகையில், மங்கலம்பேட்டை அரசு ஆண்கள் மேல்நிலைப் பள்ளியில் படிக்கும் மாணவிகளுக்கு, மங்கலம்பேட்டை ஆப்பிள் சில்க்ஸ் அன்ட் ரெடிமேட்ஸ் சார்பில் 'தினமலர் - பட்டம்' இதழ் வழங்கப்படுகிறது. நேற்று நடந்த நிகழ்ச்சியில், தலைமை ஆசிரியர் ஏழுமலை வரவேற்றார். ஆப்பிள் சில்க்ஸ் அன்ட் ரெடிமேட்ஸ் உரிமையாளர்கள் அன்பழகன், இன்ஜினியர் சுபாஷ் சந்திரபோஸ் ஆகியோர் மாணவர்களுக்கு பட்டம் இதழை வழங்கினர். உதவி தலைமை ஆசிரியர் ராமமூர்த்தி, ஆசிரியர்கள் தேவநாதன், வேல்குமார், பாபாஜி, நுாலக பொறுப்பாளர் அங்கையர்கண்ணி உடனிருந்தனர்.