உங்களுடன் ஸ்டாலின் திட்ட சிறப்பு முகாம்
திட்டக்குடி; திட்டக்குடி நகராட்சி அலுவலகத்தில் 'உங்களுடன் ஸ்டாலின்' திட்ட சிறப்பு முகாம் நடந்தது. நகராட்சி கமிஷனர் முரளிதரன் தலைமை தாங்கினார். நகராட்சி சேர்மன் வெண்ணிலா கோதண்டம் முகாமை தொடங்கி வைத்தார். துணை சேர்மன் பரமகுரு, தாசில்தார் உதயகுமார் மற்றும் முக்கிய துறை அலுவலர்கள், வார்டு கவுன்சிலர்கள், பொதுமக்கள் பங்கேற்றனர். முகாமில், 13 மற்றும் 19 பகுதி வார்டுகளைச் சேர்ந்த பொது மக்கள் மகளிர் உரிமைத் தொகை, பட்டா மாற்றம், புதிய ரேஷன் கார்டு, முதியோர் பென்ஷன், இலவச மனைப்பட்டா, அரசின் இலவச வீடு உள்ளிட்ட கோரிக்கைகளுக்கு மனு அளித்தனர்.