உங்களுடன் ஸ்டாலின் சிறப்பு திட்ட முகாம்

கிள்ளை: சிதம்பரம் வண்டிக்கேட்டில் லால்புரம் ஊராட்சியின் உங்களுடன் ஸ்டாலின் சிறப்பு திட்ட முகாம் நடந்தது. பரங்கிப்பேட்டை மேற்கு ஒன்றிய தி.மு.க., செயலாளர் டாக்டர் மனோகர் தலைமை தாங்கி, சிறப்பு திட்ட முகாமை, துவக்கி வைத்தார். புவனகிரி பி.டி.ஓ., சரவணன் முன்னிலை வகித்தார். முகாமில், 15க்கும் மேற்பட்ட துறைகளை சேர்ந்த அலுவலர்கள், பொதுமக்களிடம் இருந்து மனுக்களை பெற்றுக்கொண்டனர். முகாமில், முன்னாள் சேர்மன் கருணாநிதி, மாவட்ட மாணவரணி அமைப்பாளர் அப்பு சத்யநாராயணன், அமைப்பு சாரா ஓட்டுநர் அணி துணை செயலாளர் சுப்பு வெங்கடேசன், ஒன்றிய துணை செயலாளர்கள் செல்வகுமாரி, சதா இளவரசு, லால்புரம் ஊராட்சி முன்னாள் தலைவர் சேகர் உட்பட பலர் பங்கேற்றனர். ஊராட்சி செயலாளர் சுப்பிரமணியன் நன்றி கூறினார்.