தாம்பரம்-தஞ்சாவூர் சிறப்பு ரயில் இன்று முதல் இயக்கம்

கடலுார்: கடலுார் வழியாக, தாம்பரத்தில் இருந்து தஞ்சாவூருக்கு சிறப்பு விரைவு ரயில் இன்று முதல் இயக்கப்படுகிறது.இது குறித்து தென்னக ரயில்வே மக்கள் தொடர்பு அலுவலர் வினோத் விடுத்துள்ள செய்திக்குறிப்பு:தாம்பரத்தில் இருந்து தஞ்சாவூர் ஜங்ஷனுக்கு ரயில் எண் (06008) ரிசர்வேஷன் அல்லாத விரைவு ரயில் இன்று (11ம் தேதி) முதல் இயக்கப்படவுள்ளது. தாம்பரத்தில் இருந்து இன்று அதிகாலை 12:15 மணிக்கு புறப்படும் இந்த ரயில் கடலுாருக்கு காலை 3:55 மணிக்கும், சிதம்பரம் 4:26, மயிலாடுதுறை 5:20, தஞ்சாவூர் 6:20 மணிக்கு சென்றடைகிறது.அதேப்போல தஞ்சாவூர் ஜங்ஷனில் இருந்து, 11ம் தேதி இரவு 11:55மணிக்கு புறப்படும் இந்த ரயில் சிதம்பரத்திற்கு 2:42, கடலுார் ஜங்ஷன் 3:10, பண்ருட்டி 3:39, விழுப்புரம் 4.40, திண்டிவனம் 5:34 மணிக்கும், சனிக்கிழமை காலை7:15 மணிக்கு சென்றடைகிறது.இவ்வாறு அதில் கூறப்பட்டுள்ளது.