திருப்பாதிரிப்புலியூர் அரசு மகளிர் பள்ளியில் தினமலர் - பட்டம் வினாடி வினா போட்டி

கடலுார்: கடலுார், திருப்பாதிரிப்புலியூர் அரசு மகளிர் மேல்நிலைப்பள்ளியில் புதுச்சேரி தினமலர் பட்டம் இதழ் ஆச்சார்யா கல்விக்குழுமம் இணைந்து நடத்திய பதில் சொல், பரிசு வெல் வினாடி வினா போட்டியில்வெற்றி பெற்ற மாணவிகளுக்கு சான்றிதழ் மற்றும் கேடயம் வழங்கப்பட்டது.புதுச்சேரி 'தினமலர் - பட்டம்' இதழ், ஆச்சார்யா கல்விக்குழுமம் இணைந்து கடலுார் திருப்பாதிரிப்புலியூர் அரசு மகளிர் மேல்நிலைப்பள்ளியில் நடத்திய வினாடி வினா போட்டியில் 300க்கும் மேற்பட்ட மாணவிகள் பங்கேற்றனர். இதில், 16 மாணவிகளை தேர்வு செய்து, 8 குழுக்களாக பிரிக்கப்பட்டு தகுதிச்சுற்று நடந்தது. பள்ளி தலைமை ஆசிரியர் இந்திரா தலைமை தாங்கினார். போட்டியின் இறுதியில் பத்தாம்வகுப்பு மாணவிகள் சுனிதா, யோகஸ்ரீ முதலிடமும், பத்தாம்வகுப்பு மாணவிகள் நாகலட்சுமி, பூஜா இரண்டாமிடமும் பெற்றனர். வெற்றிபெற்ற மாணவிளுக்கு வி ஸ்கொயர் மால் உரிமையாளர் அனிதா ரமேஷ், சான்றிதழ், கேடயம் மற்றும் பதக்கம் வழங்கி பாராட்டினார். வினாடி வினா போட்டியில் பங்கேற்ற அனைத்து மாணவிகளுக்கும் சான்றிதழ் வழங்கப்பட்டது. பள்ளி அளவில் வெற்றிபெற்ற இரு அணிளும் மெகா வினாடிவினா போட்டியில் பங்கேற்க தேர்வாகினர்.