பூக்கள் விலை உயர்வு

தர்மபுரி: தர்மபுரி மாவட்டத்தில், பூக்கள் சாகுபடி செய்யும் விவசாயிகள், அவற்றை தர்மபுரி டவுன் பஸ் ஸ்டாண்டில் செயல்படும் பூ சந்-தையில் விற்பனை செய்கின்றனர். இங்கு, விற்பனை செய்யப்படும் பூக்களை, தர்மபுரி, ஓசூர், கிருஷ்ணகிரி, ஈரோடு, திருச்செங்கோடு, கும்பகோணம் உள்-ளிட்ட பகுதிகளுக்கும் பெங்களூரு, கேரளா, ஆந்திரா, உள்ளிட்ட அண்டை மாநிலங்களுக்கும் வியாபாரிகள் வாங்கி செல்கின்றனர்.இன்று, ஆனி மாத கடைசி முகூர்த்த நாள் என்பதால், பூக்கள் தேவை அதிகரித்ததால், விலை சற்று உயர்ந்து காணப்பட்டது. நேற்று முன்தினம், ஒரு கிலோ குண்டுமல்லி, 300, சன்ன மல்லி, 280, ஜாதி மல்லி, 300, பன்னீர் ரோஸ், 70, சம்பங்கி, 70, சாமந்தி, 150 ரூபாய் என விற்பனையானது.நேற்று விலை உயர்ந்து, குண்டுமல்லி, 320, சன்ன மல்லி, 320, ஜாதிமல்லி, 340, சம்பங்கி, 80, பன்னீர்ரோஸ், 80, சாமந்தி, 160, ரூபாய் என, 10 டன் பூக்கள் விற்பனையானதாக, வியாபாரிகள் தெரிவித்தனர்.