அடிப்படை வசதி கேட்டு மக்கள் ஆர்ப்பாட்டம்

தர்மபுரி, தர்மபுரி மாவட்டம், இலக்கியம்பட்டி பஞ்.,க்குட்பட்ட விருப்பாட்சிபுரம் கிராமம் நந்தி நகரில், 600-க்கும் மேற்பட்ட குடும்பத்தினர் வசிக்கின்றனர். இப்பகுதியில் உள்ள தார்ச்சாலை சேதமடைந்துள்ளது. கழிவுநீர் வெளியேற கால்வாய் வசதி ஏற்படுத்தவில்லை. மேலும், மற்ற பகுதியில் உள்ள கழிவுநீரும் இங்குள்ள குடியிருப்பு பகுதி அருகில் தேங்கியுள்ளது. இதனால், மழைநீருடன் கழிவுநீரும் சேர்ந்து தெருக்களில் தேங்கி நிற்பதால், துர்நாற்றம் வீசுவதுடன் கொசு தொல்லை அதிகரித்துள்ளது. எனவே, நந்திநகர் பகுதிக்கு முறையான தார்ச்சாலை வசதி மற்றும் கழிவுநீர் கால்வாய் அமைக்க வேண்டும் என்பதை வலியுறுத்தி, அப்பகுதி மக்கள் ஆர்ப்பாட்டத்தில் ஈடுபட்டனர்.