மாசி திருவிழாவில் இன்று கொடியேற்றம்

பழநி: பழநி முருகன் கோயில் நிர்வாகத்திற்கு உட்பட்ட மாரியம்மன் கோயில் கிழக்கு ரத வீதியில் உள்ளது. இங்கு ஆண்டுதோறும் மாசி திருவிழா நடக்கிறது. பிப்.21 இரவு 8:00 மணிக்கு முகூர்த்தக்கால் நடுதல் உடன் மாசி திருவிழா துவங்கியது. பிப்.25 ல் அதிகாலை 2:00 மணிக்கு கம்பம் நடுதல் நடந்தது. கம்பம் கோயில் முன் நடப்பட்டதை முன்னிட்டு பக்தர்கள் பால், மஞ்சள் நீரில் கம்பத்திற்கு அபிஷேகம் செய்கின்றனர். இன்று மார்ச் 4ல் கொடியேற்றம், திருக்கம்பத்தில் பூவேடு வைத்தல் இரவு 7:00 மணிக்கு நடக்கிறது. மார்ச் 11ல் அம்மனுக்கு திருக்கல்யாணம், மார்ச் 12ல் மாலை தேரோட்டம் நடக்கிறது. திருவிழா நாட்களில் வெள்ளியானை, தங்க குதிரை உள்ளிட்ட பல்வேறு வாகனங்களில் மாரியம்மன் ரதவீதி உலா நடக்கும். மார்ச்13, இரவு 10:00 மணிக்கு கொடியிறக்கத்துடன் திருவிழா நிறைவு பெறுகிறது.