மலை அடிவாரத்தில் விநாயகர் சிலைகள் பிரதிஷ்டை

ஒட்டன்சத்திரம்: ஒட்டன்சத்திரம் குழந்தை வேலப்பர் கோயில் மலை அடிவாரத்தில் வீர விநாயகர், பால விநாயகர் சிலைகள் பிரதிஷ்டை செய்து பூஜைகள் செய்யப்பட்டது. ஒட்டன்சத்திரம் குழந்தை வேலப்பர் கோயில் மலை அடிவாரத்தை சுற்றி கிரிவலப்பாதை அமைக்கப்பட்டுள்ளது. மலை மேல் உள்ள குழந்தை வேலப்பரை தரிசனம் செய்வதற்கு படிப்பாதைகள் அமைக்கும் பணி முழு வீச்சில் நடந்து வருகிறது. கிரிவலப் பாதையை சுற்றி 100 விநாயகரை சிலைகள் பிரதிஷ்டை செய்யப்பட உள்ளது. சில மாதங்களுக்கு முன்பு அடிவாரத்தில் விநாயகர் சிலை பிரதிஷ்டை செய்யப் பட்டது. இதை தொடர்ந்து நேற்று வீர விநாயகர் , பால விநாயகர் சிலைகள் பிரதிஷ்டை செய்யப்பட்டு சிறப்பு பூஜைகள் நடந்தது. சுற்றுப்பகுதிகளை சேர்ந்த ஏராளமான பக்தர்கள் கலந்து கொண்டனர்.