கொத்தையம் விநாயகர் கோயில் கும்பாபிஷேகம்

ஒட்டன்சத்திரம்; கொத்தையம் ஸ்ரீ ஆதி விநாயகர், கன்னிமூல கணபதி, காளியம்மன், கன்னிமார் கருப்பண்ணசுவாமி கோயில்களில் கும்பாபிஷேகம் நடந்தது.முதல் நாளன்று மங்கல இசை, விநாயகர் பூஜை, புண்ணியாகம், பஞ்சகவ்யம், தீபாராதனை நடந்தது. இரண்டாம் நாள் மகா கணபதி பூஜை, கும்பாலங்காரம், யாகசாலை பிரவேசம், முதல் கால யாக வேள்வி நடந்தது. மூன்றாம் நாள் விநாயகர் பூஜை, மூன்றாம் காலையாக வேள்வி, நேற்று காலை கடம் புறப்பாடு நடந்தது. தொடர்ந்து காளியம்மன், ஆதி விநாயகர், கன்னி மூல கணபதி, கன்னிமார் கருப்பண்ண சுவாமி கோபுர விமானங்களில் பல்வேறு புண்ணிய நதிகளில் இருந்து கொண்டுவரப்பட்ட புண்ணிய தீர்த்தங்கள் ஊற்ற கும்பாபிஷேகம் நடந்தது. இதை தொடர்ந்து அபிஷேகம், அலங்காரம், சிறப்பு உபசார தீபாராதனை, பிரசாதம் வழங்கல்,அன்னதானம் நடந்தது.