குடகனாறு அணையிலிருந்து பாசனத்திற்கு தண்ணீர் திறப்பு

வேடசந்தூர்: குடகனாறு அணையிலிருந்து பாசனத்திற்கான தண்ணீர் நேற்று திறந்து விடப்பட்டது.ஆத்தூர், தாடிக்கொம்பு, வேடசந்தூர் வழியாகச் செல்லும் குடகனாற்றின் குறுக்கே அழகாபுரியில் 27 அடி கொள்ளளவு கொண்ட குடகனாறு அணை உள்ளது. பிரதான கிளை வாய்க்கால்கள் மூலம், திண்டுக்கல், கரூர் மாவட்டங் களில் 9 ஆயிரம் ஏக்கர் நிலம் நீர்ப்பாசனம் பெறுகிறது. நேற்று பாசனத்திற்கான தண்ணீரை திண்டுக்கல் கலெக்டர் சரவணன் தலைமை வகித்து திறந்து வைத்தார். பாசனத்திற்கான இந்த தண்ணீர், நேற்று (27.4.25) முதல் ( 25.7.25) முடிய 90 நாட்களுக்கு ஒரு வாரம் விட்டு, ஒரு வாரம் திறந்து விடப்பட உள்ளது. நங்காஞ்சியாறு வடிகால் கோட்ட செயற்பொறியாளர் பாலமுருகன், உதவி செயற்பொறியாளர் தனசேகர், குடகனாறு உதவி பொறியாளர்கள் மகேஸ்வரன், முருகன், தாசில்தார் சுல்தான் சிக்கந்தர், விவசாயிகள் பங்கேற்றனர்.