கோபியில் 37.20 மி.மீ., மழை

ஈரோடு, கோபியில் அதிகபட்சமாக, 37.20 மி.மீ., மழையளவு பதிவானது.தமிழகத்தின் பல்வேறு மாவட்டங்களில், மழை பெய்தாலும் ஈரோடு மாவட்டத்தில் மட்டும் வெயில் தொடர்ந்து சுட்டெரித்து வருகிறது. இந்நிலையில், நேற்று முன்தினம் மாவட்டத்தில் பல இடங்களில் பரவலாக மழை பெய்தது. அதிகபட்சமாக கோபியில், 37.20 மி.மீ., மழையளவு பதிவானது. மற்ற இடங்களில் பெய்த மழையளவு விபரம் (மி.மீ):ஈரோடு-29, மொடக்குறிச்சி-14, பெருந்துறை-16, சென்னிமலை-2.80, கவுந்தப்பாடி-33.80, அம்மாபேட்டை-4.60, எலந்தகுட்டை மேடு-31, கொடிவேரி அணை-1.20, நம்பியூர்-24, பவானிசாகர் அணை-8, தாளவாடி-3.50 மி.மீ., மழை பெய்தது. மழைக்கு நம்பியூர் தாலுகாவில் ஒரு குடிசை வீடு சேதம் அடைந்தது.