மழை வெள்ளத்தால் பாதிக்கப்பட்ட நெற்பயிர்களை பாதுகாக்க ஆலோசனை

கள்ளக்குறிச்சி; திருகோவிலுார் பகுதியில் மழை வெள்ளத்தால் பாதிக்கப்பட்ட இளம் நெற்பயிர்களை பாதுகாக்க வேளாண் அதிகாரிஆலோசனை வழங்கியுள்ளார்.திருக்கோவிலுார் வேளாண் உதவி இயக்குனர் கிருஷ்ணகுமாரி செய்திக்குறிப்பு:தற்போது மழை நின்றுள்ளதால் வயலில் உள்ள தண்ணீர உடனடியாக வடிகட்ட வேண்டும்.இள மஞ்சள் நிறத்தில் காணப்படும் நெற்பயிர்களுக்கு இலைவழி உரமிட வேண்டும். ஒரு ஏக்கர் நெற்பயிருக்கு, ஒரு கிலோ ஜின்க் சல்பேட், 2 கிலோ யூரியா, 200 லிட்டர் தண்ணீர் கலந்து தெளிக்க வேண்டும். மேலும் ஒரு கிலோ சூடோமோனாஸ் மருந்தை 200 லிட்டர் தண்ணீர் கலந்து 10 நாட்கள் இடைவெளியில் 2 முறை தெளிக்க தெளிக்க வேண்டும்.மழை வெள்ளத்தால் பாதிக்கப்பட்ட பயிர், தண்டு உருளும் பருவம் மற்றும் பூக்கும் பருவத்தில் இருந்தால், 4 கிலோ டி.ஏ.பி., உரம், 10 லிட்டர் தண்ணிரில் முதல் நாள் ஊற வைத்து மறுநாள் வடிகட்ட வேண்டும்.அத்தடன் 2 கிலோ யூரியா மற்றும் ஒரு கிலோ பொட்டாஷ் உரத்தினை 200 லிட்டர் தண்ணீரில் மாலை வேளையில் கைத்தெளிப்பான் மூலம் தெளிக்க வேண்டும். பூச்சி தாக்குதல் அதிகமாக காணப்படும் வயல்களில் வேம்பு சார்ந்த மருந்துகளை தெளிக்கவேண்டும்.இவ்வாறு செய்திக்குறிப்பில் கூறப்பட்டுள்ளது.