சங்கராபுரத்தில் காஸ் அடுப்பு வழங்கும் விழா
சங்கராபுரம்: சங்கராபுரம் சுதர்சன் இண்டேன் காஸ் நிறுவனம் சார்பில் உஜ்வாலா திட்டத்தின் மூலம் பயனாளிகளுக்கு இலவச காஸ் அடுப்பு வழங்கும் நிகழ்ச்சி மற்றும் எரிவாயு பாதுகாப்பு விழிப்புணர்வு நிகழ்ச்சி நடந்தது. வணிகர் சங்க மாவட்ட பொருளாளர் முத்துக்கருப்பன் தலைமை தாங்கினார். அனைத்து வியாபாரிகள் சங்க செயலாளர் குசேலன் முன்னிலை வகித்தார். சுதர்சன் இண்டேன் காஸ் நிறுவன மேலாளர் பிரபாகரன் எரிவாயு பாதுகாப்பு குறித்து பேசினார். காசாளர் ராஜராஜன் நன்றி கூறினார். சங்கராபுரத்தில் சுதர்சன் இண்டேன் காஸ் நிறுவனம் சார்பில் இலவச காஸ் அடுப்பு வழங்குதல் மற்றும் எரிவாயு பாதுகாப்பு விழிப்புணர்வு நிகழ்ச்சி நடந்தது.