கள்ளக்குறிச்சி தொகுதியில் வாக்காளர் பட்டியல் சிறப்பு தீவிர திருத்த பணி : கலெக்டர் ஆய்வு

கள்ளக்குறிச்சி: கள்ளக்குறிச்சி தொகுதியில் நடக்கும் வாக்காளர் பட்டியல் சிறப்பு தீவிர திருத்த பணிகளை கலெக்டர் ஆய்வு செய்தார். கள்ளக்குறிச்சி மாவட்டத்தில் உள்ள நான்கு சட்டசபை தொகுதிகளில் ஓட்டுச்சாவடி நிலை அலுவலர்கள் மூலமாக வாக்காளர் பட்டியல் சிறப்பு தீவிர திருத்த பணிகள் நடந்து வருகிறது. இதில் கள்ளக்குறிச்சி சட்டசபை தொகுதியிலுள்ள பல்வேறு பகுதிகளில் ஓட்டுச்சாவடி நிலை அலுவலர்கள் சிறப்பு தீவிர திருத்தம் தொடர்பாக கணக்கீட்டு படிவங்களை வாக்காளர்களிடமிருந்து சேகரித்து பதிவேற்றம் செய்து வருகின்றனர். கள்ளக்குறிச்சி அரசு ஆண்கள் மேல்நிலைப் பள்ளி, கள்ளக்குறிச்சி அரசு மாதிரி மகளிர் மேல்நிலைப்பள்ளி ஆகிய ஓட்டுச்சாவடி மையங்களில் ஓட்டுச்சாவடி நிலை கிராமங்களில் சிறப்பு தீவிர திருத்தம் பணிகளை கலெக்டர் பிரசாந்த் நேற்று பார்வையிட்டு ஆய்வு செய்தார். தொடர்ந்து, சிறப்பு தீவிர திருத்த பணி மேற்கொள்ளும் ஓட்டுச்சாவடி நிலை அலுவலர்கள் பணிகளை முறையாக மேற்கொள்ள வேண்டும் என்று அறிவுறுத்தினார்.