வரதராஜ பெருமாள் கோவிலில் தெப்போற்சவம் நாளை துவக்கம்

காஞ்சிபுரம், காஞ்சிபுரம் வரதராஜ பெருமாள் கோவிலில் உள்ள அனந்தசரஸ் தெப்பக் குளத்தில், ஆண்டுதோறும் தை பவுர்ணமியன்று தெப்போற்சவம் துவங்கி, தொடர்ந்து மூன்று நாட்கள் நடைபெறும். அதன்படி, நடப்பாண்டிற்கான முதல் நாள் தெப்போற்சவம் நாளை இரவு 7:00 மணிக்கு துவங்குகிறது. இதில், அலங்கரிக்கப்பட்ட தெப்பத்தில், ஸ்ரீதேவி, பூதேவி நாச்சியார் மற்றும் பெருந்தேவி தாயாருடன், வரதராஜ பெருமாள் அனந்தசரஸ் என அழைக்கப்படும் தெப்பக் குளத்தில் எழுந்தருளி, மூன்று முறை வலம் வருவார்.இரண்டாம் நாளன்று, ஐந்து முறையும், தெப்போற்சவம் நிறைவு நாளான வரும் 14ல், ஏழு முறையும் குளத்தில் வலம் வருவார். தெப்போற்சவத்திற்கான ஏற்பாட்டை கோவில் நிர்வாகத்தினர் செய்து வருகின்றனர்.