ஜல்லிக்கற்கள் பெயர்ந்த சாலை சீரமைக்க வலியுறுத்தல்
காஞ்சிபுரம்:காஞ்சிபுரம் ரயில்வே சாலையுடன் இணையும், திருச்சக்கரபுரம் தெரு வழியாக, சங்கூசாபேட்டை, பேருந்து நிலையம், ரயில் நிலையம், ரட்டிபேட்டை, மின்நகர், திருக்காலிமேடு, சின்ன காஞ்சிபுரம் உள்ளிட்ட பகுதிக்கு செல்வோர் சென்று வருகின்றனர்.இச்சாலையில், கடந்த ஆண்டு பெய்த மழையின்போது, ஆங்காங்கே ஜல்லிக்கற்கள் பெயர்ந்து சாலை சேதமடைந்துள்ளது.இதனால், இருசக்கர வாகன ஓட்டிகள், சாலை சேதமடைந்த பள்ளத்தின் விளிம்பில் செல்லும்போது நிலைதடுமாறி தவறி விழுந்து விபத்தில் சிக்குகின்றனர்.எனவே, சேதமடைந்த சாலையை 'பேட்ச் ஒர்க்' பணியாக சீரமைக்க மாநகராட்சி நிர்வாகம் நடவடிக்கை எடுக்க வேண்டும் என, கோரிக்கை எழுந்துள்ளது.