கிருஷ்ணராயபுரத்தில் பூக்கள் விலை சரிவு

கிருஷ்ணராயபுரம், கிருஷ்ணராயபுரம் பகுதியில் பூக்கள் விலை சரிந்து விற்பனை நடந்தது.கிருஷ்ணராயபுரம் அடுத்த மகிளிப்பட்டி, காட்டூர், மாயனுார், செககணம், எழுதியாம்பட்டி, தாளியாம்பட்டி பகுதிகளில் விவசாயிகள் பூக்கள் சாகுபடி செய்து வருகின்றனர். இதில் விரிச்சிப்பூக்கள், சின்னரோஜா, செண்டுமல்லி ஆகிய பூக்கள் சாகுபடி நடந்து வருகிறது. விரிச்சிப்பூக்கள் கிலோ, 90 ரூபாயில் இருந்து, 70 ரூபாய், சின்னரோஜா, 120 ரூபாயில் இருந்து, 90 ரூபாய், செண்டுமல்லி, 70 ரூபாயில் இருந்து, 40 ரூபாய்க்கு விற்கப்பட்டது. முகூர்த்த சீசன் இல்லாததால், பூக்கள் விலை குறைந்துள்ளது. கரூர், திருச்சி, முசிறி, குளித்தலை ஆகிய பகுதிகளில் செயல்படும் பூ மார்க்கெட்டுகளுக்கு, பூக்கள் கொண்டு செல்லப்பட்டு விற்கப்படுகிறது.