குண்டு வெல்லம் விலை குறைந்தது

கரூர், வேலாயுதம்பாளையம் அருகே, குண்டு வெல்லம் விலை குறைந்தது.கரூர் மாவட்டத்தில், வேலாயுதம்பாளையம், நொய்யல், மரவாப்பாளையம், சேமங்கி, முத்தனுார், கவுண்டன்புதுார், குளத்துப்பாளையம், வேட்டமங்கலம், ஓலப்பாளையம், நடையனுார், புகழூர், தளவாப்பாளையம், கடம்பங்குறிச்சி, வாங்கல் உள்ளிட்ட பகுதிகளில், குண்டு வெல்லம், அச்சு வெல்லம் ஆகியவை உற்பத்தி செய்யப்படுகிறது. தமிழகம் மட்டுமின்றி ஆந்திரா, கேரளா, கர்நாடகா மற்றும் மகாராஷ்டிரா மாநிலங்களுக்கு அனுப்பப்படுகிறது. கடந்த வாரம், 30 கிலோ கொண்ட குண்டு வெல்லம் மற்றும் அச்சு வெல்லம் ஒரு சிப்பம், 1,300 ரூபாய்க்கு விற்றது. நடப்பு வாரம், 50 ரூபாய் குறைந்து, 1,250 ரூபாயாக குண்டு வெல்லம் விற்றது. அதேபோல், 30 கிலோ கொண்ட அச்சு வெல்லம் நடப்பு வாரம், 100 ரூபாய் குறைந்து 1,200 ரூபாய்க்கு விற்றது.கடந்த ஆடி மாதம் கிராமங்களில், திரு விழாக்ககள் காரணமாக வெல்லம் விலை அதிகரித்தது. ஆடி மாதம் இன்று நிறைவு பெற உள்ள நிலையில், நடப்பு வாரம் தேவை குறைந்ததால், சுப விசேஷங்கள் இல்லாததால், வெல்லம் விலை சற்று குறைந்துள்ளதாக, வியாபாரிகள் தெரிவித்தனர்.C