கிருஷ்ணராயபுரம் டவுன் பஞ்., சாதாரண கூட்டம்

கிருஷ்ணராயபுரம்:கிருஷ்ணராயபுரம், டவுன் பஞ்சாயத்து சாதாரண கூட்டம் நடந்தது.டவுன் பஞ்., தலைவர் சேதுமணி தலைமை வகித்தார். கூட்டத்தில், குடிநீர் வசதி, சுகாதார வசதி பணிகள் செய்வதற்கான நிர்வாக அனுமதி குறித்து விவாதிக்கப்பட்டது. அதன்படி வார்டு எண், 10ல், பொது கழிப்பிடம் கட்டடம் அருகில், 4 லட்சம் ரூபாய் மதிப்பில் புதிதாக ஆழ்குழாய் அமைத்து மினிபவர் பம்பு அமைத்தல், வார்டு எண், 15ல் தாராபுரத்தனுாரில் மயானம் மற்றும் மலையாளி கோவில் அருகில் சின்டெக்ஸ் தொட்டி மினிபவர் பம்பு அமைத்தல், மாரியம்மன் கோவில் தெரு தென்கரை வாய்க்கால் அருகில் உள்ள சின்டெக்ஸ் தொட்டியை பழுது நீக்கி பராமரிப்பு செய்தல்.பிச்சம்பட்டி குடித்தெரு, கோவக்குளம் சுக்காமேடு, குச்சிப்பட்டி மற்றும் தாராபுரத்தனுாரில் புதிய பை்லைன் விஸ்தரிப்பு செய்தல், கோவக்குளம் முதல் பழையஜெயங்கொண்டம் வரை, 8.68 லட்சம் மதிப்பில் மழைநீர் வடிகால் அமைத்தல் உள்பட, 21.36 லட்சம் ரூபாய் மதிப்பில் பணிகள் செய்வதற்காக கூட்டத்தில் விவாதிக்கப்பட்டது. டவுன் பஞ்., துணைத் தலைவர் வளர்மதி, செயல் அலுவலர் கிருஷ்ணன், கவுன்சிலர்கள், அலுவலக பணியாளர்கள் கலந்து கொண்டனர்.