கீழே விழுந்த தொழிலாளி சிகிச்சை பலனின்றி பலி

குளித்தலை:குளித்தலை அடுத்த பொய்யாமணி பஞ்., திருச்சாப்பூர் கிராமத்தை சேர்ந்தவர் மலையாளம், 57. விவசாய கூலி தொழிலாளி. இவர் கடந்த 16 இரவு 10:00 மணியளவில் துாங்கிக் கொண்டிருந்த போது, சிறுநீர் கழிக்க எழுந்தார். அப்போது தவறி கீழே விழுந்துள்ளார். உடலில் காயம் ஏதும் இல்லாதததால் வீட்டிலேயே இருந்து விட்டார்.பிறகு உடல் நலம் பாதிக்கப்பட்டு, 18ம் தேதி மாலை 6:00 மணியளவில் குளித்தலை அரசு மருத்துவமனையில் அனுமதித்தனர். பின்னர், அங்கிருந்து மேல் சிகிச்சைக்காக திருச்சி அரசு மருத்துவமனையில் அனுமதிக்கப்பட்டு இறந்தார்.இதுகுறித்து அவரது மனைவி ஸ்ரீதேவி, 47, கொடுத்த புகாரின்படி, நங்கவரம் போலீசார் வழக்கு பதிவு செய்து விசாரித்து வருகின்றனர்.