ரயில்வே குகை வழிப்பாதையில் மழைநீர் தேங்கியதால் மக்கள் அவதி

குளித்தலை: குளித்தலை அடுத்த மருதுார் டவுன் பஞ்., மருதுார்-மேட்டு மருதுார், பணிக்கம்பட்டி சாலையில், கடந்தாண்டு ஜூன், 20ல் ரயில்வே குகை வழிப்பாதை பணி தொடங்கியது. மூன்று மாதங்-களுக்குள் பணியை முடித்து மக்கள் பயன்பாட்டிற்கு விடுவதாக, ரயில்வே நிர்வாகம் சார்பில் தகவல் பலகையில் தெரிவித்திருந்-தனர். ஆனால், குகை வழிப்பாதை பணி ஆமை வேகத்தில் நடந்து வந்தது. பணியை விரைந்து முடிக்காத, ரயில்வே நிர்வா-கத்தை கண்டித்து போராட்டம் நடத்தப்போவதாக பொதுமக்கள் அறிவித்திருந்தனர். இதையடுத்து, குகை வழிப்பாதை பணியை தொடங்கினர்.இந்நிலையில், மருதுார் ரயில்வே குகை வழிப்பாதை பணி முடி-யாததால், நேற்று முன்தினம் இரவு பெய்த மழையால், ரயில்வே குகை வழிப்பாதையில் தண்ணீர் தேங்கியது. இதனால் மக்கள் கடும் சிரமத்துக்குள்ளாகினர். எனவே, பொதுமக்கள் பாதிக்காத வகையில், ஒப்பந்ததாரர் பணியை விரைந்து முடித்து பயன்பாட்டுக்கு விட வேண்டும் என, மக்கள் கோரிக்கை விடுத்துள்ளனர்.