உங்களுடன் ஸ்டாலின் முகாம் நலத்திட்ட உதவி வழங்கல்

கரூர், கரூர் மாநகராட்சிக்குட்பட்ட, பெரிய குளத்துப்பாளையம் ஊராட்சி ஒன்றிய நடுநிலைப்பள்ளியில் உங்களுடன் ஸ்டாலின் திட்ட முகாம் நடந்தது. கலெக்டர் தங்கவேல் தலைமை வகித்தார். வருவாய்த் துறை சார்பாக, 8 பேருக்கு வகுப்பு சான்று, இருப்பிட சான்று உள்ளிட்ட சான்றிதழ்களையும், கூட்டுறவு துறை சார்பாக, 4 பேருக்கு, 3.14 லட்சம் ரூபாய் மதிப்பீட்டில் கால்நடை பராமரிப்பு கடனுதவி, மாநகராட்சி சார்பாக, 5 பேருக்கு சொத்துவரி மற்றும் குடிநீர் இணைப்பு பெயர் மாற்றத்திற்கான ஆணைகள் என மொத்தம், 17 பேருக்கு, 3.14 லட்சம் ரூபாய் மதிப்பில் நலத்திட்ட உதவிகள் வழங்கப்பட்டன. முகாமில், மாநகராட்சி மேயர் கவிதா, மாநகராட்சி கமிஷனர் சுதா உள்பட பலர் பங்கேற்றனர்.