அலுவலக பணியாளர் பதவி விண்ணப்பிக்க அழைப்பு

கிருஷ்ணகிரி, சட்ட உதவி பாதுகாப்பு ஆலோசனை அமைப்பிற்கு, அலுவலக பணியாளர் பதவிக்கு விண்ணப்பிக்க நாளை (28ம் தேதி) கடைசி நாளாகும். இது குறித்து கிருஷ்ணகிரி மாவட்ட சட்டப்பணிகள் ஆணைக்குழு தலைவரும், முதன்மை மாவட்ட நீதிபதியுமான லதா வெளியிட்டுள்ள அறிக்கை: கிருஷ்ணகிரி மாவட்ட சட்டப்பணிகள் ஆணைக்குழுவில் இயங்கும், சட்ட உதவி பாதுகாப்பு ஆலோசனை அமைப்பிற்கு, 'அலுவலக பணியாளர்' தேர்ந்தெடுக்கப்பட உள்ளார்கள். சட்ட உதவி ஆலோசனை அமைப்பில் அலுவலக பணியாளர்களாக பணிபுரிய விருப்பமுள்ளவர்கள் தங்கள் விண்ணப்பங்களை, https://krishnagiri.dcourts.gov.inஎன்ற கிருஷ்ணகிரி மாவட்ட நீதிமன்ற இணையதளத்திலிருந்து பதிவிறக்கம் செய்து, பூர்த்தி செய்து, உரிய ஆவணங்களுடன் வரும் 28 (நாளை) மாலை, 5:30 மணிக்குள் பதிவு தபால் மூலமாகவோ அல்லது நேரிலோ விண்ணப்பிக்கலாம்.இவ்வாறு, அவர் தெரிவித்துள்ளார்.