தேன்கனிக்கோட்டை, மாவட்டத்தில், 16.53 லட்சம் வாக்காளர்களுக்கு கணக்கீட்டு படிவங்கள் வழங்கப்பட்டுள்ளதாக, கலெக்டர் தினேஷ்குமார் தெரிவித்துள்ளார்.கிருஷ்ணகிரி மாவட்டம், தளி சட்டசபை தொகுதிக்கு உட்பட்ட வாக்காளர்களுக்கு, வாக்காளர் பட்டியல் சிறப்பு தீவிர திருத்த பணிகளுக்கான கணக்கீட்டு படிவங்கள் வழங்கப்பட்டுள்ளன. பூர்த்தி செய்யப்பட்ட படிவங்களை திரும்ப பெற்று, ஓட்டுச்சாவடி நிலை அலுவலர்கள், தன்னார்வலர்கள் மூலம், இணையதளத்தில் பதிவேற்றம் செய்யும் பணி, தேன்கனிக்கோட்டை தாலுகா அலுவலகத்தில் நடக்கிறது. இப்பணியில் ஈடுபட்டுள்ள ஓட்டுச்சாவடி நிலை அலுவலர்களுக்கான மேற்பார்வையாளர் கள் ஆய்வு கூட்டம், தேன்கனிக்கோட்டை தாலுகா அலுவலகத் தில், மாவட்ட கலெக்டர் தினேஷ்குமார் தலைமையில் நேற்று நடந்தது. தொடர்ந்து, மாவட்ட கலெக்டர் கூறியதாவது:மாவட்டத்தில் உள்ள, 6 சட்டசபை தொகுதிகளில் மொத்தமுள்ள, 16 லட்சத்து, 80,626 வாக்காளர்களில், 16 லட்சத்து, 53,920 வாக்காளர்களுக்கு கணக்கீட்டு படிவங்கள் வழங்கப்பட்டுள்ளன. அதில், 13 லட்சத்து, 80,770 வாக்காளர்களிடமிருந்து பூர்த்தி செய்யப்பட்ட படிவங்கள் வாங்கப்பட்டு, இணையதளத்தில் பதிவேற்றம் செய்யப்பட்டுள்ளன. இதுவரை வாக்காளர்களுக்கு, 98.41 சதவீதம் அளவிற்கு கணக்கீட்டு படிவங்கள் வழங்கப்பட்டுள்ளன.தளி சட்டசபை தொகுதியை பொறுத்தவரை, 2 லட்சத்து, 56,108 வாக்காளர்கள் உள்ளனர். அதில், 2 லட்சத்து, 52,346 வாக்காளர்களுக்கு கணக்கீட்டு படிவங்கள் வழங்கப்பட்டு, 2 லட்சத்து, 17,901 படிவங்கள் பூர்த்தி செய்யப்பட்டு திரும்ப வாங்கப்பட்டுள்ளன. இதுவரை கணக்கீட்டு படிவங்களை திரும்ப வழங்காத வாக்காளர்கள், வரும், 4ம் தேதிக்குள் ஓட்டுச்சாவடி நிலை அலுவலர்களிடம் பூர்த்தி செய்து வழங்க வேண்டும். சிறப்பு தீவிர திருத்த பணிக்கு அனைத்து வாக்காளர்களும் முழு ஒத்துழைப்பு வழங்க வேண்டும்.இவ்வாறு, அவர் கூறினார்.தளி தொகுதி வாக்காளர் பதிவு அலுவலர் பழனி, தாசில்தார் கங்கை உடன் இருந்தனர்.