இயக்குநர்கள் கூட்டம்

மதுரை: அலங்காநல்லுாரில் வேளாண்மை விற்பனை மற்றும் வேளாண் வணிகத் துறையால் செயல்படுத்தப்படும் பசுமை உழவர் உற்பத்தியாளர் நிறுவனத்தின் இயக்குநர்கள் கூட்டம் துணை இயக்குநர் மெர்சி ஜெயராணி தலைமையில் நடந்தது. தமிழ்நாடு நீர்ப்பாசன வேளாண்மை நவீன மயமாக்கல் திட்டத்தின் கீழ் மானியத்தில் வழங்கப்பட்ட மசாலா இயந்திரம், எண்ணெய் செக்கு, சூரியசக்தி உலர்களம், சிப்பம் கட்டும் இயந்திரத்தின் செயல்பாடு குறித்து தீர்மானம் நிறைவேற்றப்பட்டது. தொடர்ந்து தெத்துார், கொண்டையம்பட்டியில் மதிப்புக்கூட்டு மையங்களை துணை இயக்குநர் ஆய்வு செய்தார். நிறுவன இயக்குநர்கள் தனிராஜன், தங்கராசு, தேன்மொழி, சாக்ரடீஸ், மயில்வாகனன், வேளாண் அலுவலர் சித்தார்த், உதவி அலுவலர் ராஜ்குமார், நிறுவன சி.இ.ஓ., ராஜபாண்டி உடனிருந்தனர்.